2021-ci ilin əvvəlindən İsrail mətbuatı ölkənin yeni cib PUA-sı adlandırdıqları Ninox 40 tezliklə təqdim ediləcəyini və ilk görüntülərini yaydı. Alp.az xəbər verir ki, 2021-ci ilin fevralında Aero India-2021 silah sərgisində İsrail Ninox 40 PUA-sını təqdim etdi. Elə sərgi ərəfəsində Hindistan İsraillə müqavilə imzalayaraq 50 PUA sifariş etdi. Ninox 40 xüsusi təyinatlılar üçün nəzərdə tutulub. Ninox 40- ı cibində gəzdirən xüsusi təyinatlı əsgər istənilən an ondan istifadə edə bilir. PUA-nın çəkisi 250 qramdan çox deyil, qatlanmış diametri isə 40 mm -dir. Elektrik mühərriki və quraşdırılmış batareya cihazı havada 40 dəqiqəyə qədər qala bilir. Ninox 40 gecə -gündüz müşahidə aparıb, hədəfi tapıb məhv edə bilir. Ninox 1,5 kq silah və yaxud yük daşıma qabiliyyətinə malikdir.
Qeyd edək ki, İsrail hökuməti yeni silahının 2022-ci ildə orduya veriləcəyini bildirib.
