Məhəmməd Xatəmi hökumətində ETTELAAT naziri vəzifəsində çalışmış Əli Yunisi İsrailin kəşfiyyat orqanı olan Mossadın İranın bütün həssas dövlət qurumlarında nüfuz etdiyini bildirib.
İyunun 29-da mediaya açıqlama sabiq nazir deyib ki, son 10, 15 və ya 20 ildə İranın bütün hakimiyyət qurumları “terrorçu ünsürlər”lərin nüfuzundan təmizlənsə də, xarici casusluq şəbəkələrinin, o cümlədən də İsrailin “Mossad” təşkilatının dövlət qurumlarına nüfuzunun qarşısını almaq üçün kifayət qədər diqqət olunmayıb.
“Son 10 ildə Mossadın ölkənin müxtəlif qurumlarına nüfuzu o həddə çatıb ki, hesab edirəm islam respublikasının bütün vəzifəliu şəxsləri öz canlarının təhlükəyə düşməsindən nigaran qalmalıdırlar.
Hazırda isə ölkənin təhlükəsizlik qurumları İsrailin casusluq şəbəkələrini müəyyənləşdirib aşkarlamaq əvəzinə özümüzünkülərin canına düşüblər.
Hətta bizim vaxtımızda və bizdən əvvəlki dövrlərdə də bu kimi nüfuzemə cədhləri olub. Lakin bizdən sonra kəşfiyyat xidmətləri arasında rəqabətin aparılması və bir sıra paralel şəkildə aparılan fəaliyyətlər, eləcə də ETTELAAT nəzdində yaradılan yeni təşkilat və qurumlar demək olar ki, Nazirliyi getdikcə zəiflətdi.
ETTELAAT Nazirliyi qarşısında yaradılmış yeni paralel təşkilatlar da xarici kəşfiyyat qurumların nüfuzuna qarşı mübarizə aparmaq əvəzinə özümüzünkülərə qarşı mübarizə aparır, onları nəzarət altında saxlamağa çalışdılar. Bununla da dünya casusluq şəbəkələrinin ölkəmizə nüfuzu üçün bütün qapılar açıldı. Elə buna görə də biz haqlı olaraq nigaran olmalıyıq.
Hesab edirəm ki, islam respublikasının təhlükəsizlik qurumlarının əsas prioritet məsələsi ölkə daxilində hansısa müxalif səsi susdurmaq yox, xarici kəşfiyyatın ölkəyə nüfuzuna qarşı mübarizə aparmaq olmalıdır”, -deyə İranın keçmiş ETTELAAT naziri Əli Yunisi bildirib.
Əli Yunisi xarici kəşfiyyatın, eləcə də Mossadın İranda nüfuzundan danışaraq, son illər İranın nüvə alimlərinə qarşı edilən sui-qəsdlərə, nüvə mərkəzlərinə qarşı gerçəkləşdirilən dəqiq hücumlara, həmin mərkəzalərdə törədilən təxribatlara, İranın nüvə fəaqliyyətləri ilə bağlı çoxlu sayda sənədin oğurlanaraq İsrailə daşınmasına və ölkənin milli maraqlarına zərbə vuran bu kimi halların baş verməsinə toxunub.
