“Bir həftədir ki, “Mənim namusum var” fraksiyasının rəhbəri, Milli Təhlükəsizlik Xidmətinin keçmiş direktoru Artur Vanetsyan Azadlıq meydanında Qarabağı xilas etmək və müvafiq olaraq Ermənistan hakimiyyətini devirmək gündəmi ilə oturaq aksiya keçirirdi. Bu müddət ərzində o, davamlı müsahibələr verir və bir neçə dəfə parlamentə qayıtmayacağını, orada işini təsəvvür etmədiyini bildirirdi.” Alp.az xəbər verir ki, bunu “Hraparak” nəşri yazıb.
“Qarabağın Azərbaycanın tərkib hissəsi ola biləcəyi, Qarabağda yaşayan erməninin Azərbaycanın tabeliyində yaşaya biləcəyi elan edilən parlamentdə mən daha o parlamentdə nə edəcəyimi bilmirəm”- deyə Artur Vanetsyan bildirib.
“Hraparak” nəşri bildirir ki, əslində Artur Vanetsyan bu sözlərlə kiminsə əlinə oynayır. Çünki etibarlı mənbəmiz bildirir ki, Artur Vanetsyan ruslarla razılığa gəlib və o tezliklə Qarabağa yollanacaq.
“Rusiya Qarabağa öz adamlarını toplayır. Bu adamlardan biri də Artur Vanetsyandır. Ermənistan Milli Təhlükəsizlik Xidmətinin keçmiş direktoru aydındır ki, uzun müddət Rusiya xüsusi xidmət orqanları ilə əməkdaşlıq edib. İndi Araik Aruthunyanı o əvəz edə bilər və buna hazırlıq gedir” – nəşr qeyd edib.
