Son günlər biri-birinin ardınca ermənilərin nəzarətində olan Ağdərə, Xocavənd və Xankəndində silsilə tədbirlər keçirilir.
Alp.az xəbər verir ki, hətta Ermənistandan Qarabağa gələn 150 idmançı iyulun 5-də Xankəndində MMA üzrə qondarma respublikanın çempionatını keçirməyi planlaşdırır. Erməni MMA döyüşçüləri Eduard Vartanyan və Rafael Abrahamyan dünən Xankəndində yerləşən 8 saylı orta məktəbdə seminar da keçiriblər. Eduard Vartanyan qondarma respublikanın saytına açıqlamasında Ağdərədə və Xocalıda yeni MMA klubu açdıqlarını da bildiriblər. Maraqlıdır ki, Ermənistan vətəndaşı olan Eduard Vartanyan və Fransa vətəndaşı olan Rafael Abrahamyan Xankəndinə necə gəlib. Belə aydın olur ki, rus sülhməramlıları bir Azərbaycan vətəndaşlarından başqa kimi istəsə, Laçın keçidi vasitəsiylə ölkəmizə buraxır. Gələnlərin kim olması sadəcə sülhməramlıları maraqlandırırmı? Bəlkə gələnlər terroçudur. Bunun bariz nəticəsidir ki, ermənilər Qarabağda tikinti işlərini sürətləndirir. Ermənilər dayanmadan işğal altında olan Xocalıda və Ağdərədə məskunlaşırlar. Və… Ən dəhşətlisi odur ki, ermənilərin yeni ev tikməsi üçün tikinti matreallarını Rusiya sülhməramlıları verır.
Görünür sülhməramlılar artıq öz missiyalarını həyata keçirdə bilmir və yaxud bu missiya onların vecinə deyil…
