Qarabağda ermənilərə məxsus olan nənə və baba abidəsinin yanında Rusiyanı dəstəkləmək məqsədi ilə bu ölkənin bayrağının rənglərindən “Z” işarəsinin təsvir edilməsi müzakirələrə səbəb olub.
Alp.az xəbər verir ki, Qarabağdakı ermənilər hesab edir ki, Ermənistan hakimiyyəti Qarabağdan əlini çəkdiyi üçün onlar nicatı Rusiyada görürlər.
Ermənistan hakimiyyətindən əlini üzən və Ukraynanın Azərbaycanı qələbə münasibətilə ilk təbrik edən ölkələrdən biri olduğunu səbəb göstərən erməni icmasının nümayəndələri bundan sonra Rusiyaya daha yaxın olmağa çalışdıqlarını bildiriblər.
“Ermənistandan başqa heç kimdən kömək gözləmədiyimiz üçün səhv etmişik. Yaranmış vəziyyət göstərir ki, Qarabağ ermənilərinin təhlükəsizliyinin yeganə təminatçısı Rusiyadır”,- deyə onlar bildiriblər.
Amma bəzi erməni millətçiləri bu addıma qarşıdır və onlar Rusiya bayrağının rənglərində çəkilmiş “Z” işarəsini silməyə çalışıblar. Lakin bu zaman qarşıdurma baş verib və millətçi ermənilərin istəyi baş tutmayıb.
Rusiyapərəst erməni icması hesab edir ki, onları tənqid edənlər “Azərbaycanın maraqlarına xidmət edən” saxta millətçilərdir. Onlar qeyd edir ki, Qarabağda yaşayan əsl erməni “Rusiyaya dəstək olmamalı və dostluq münasibətləri qurmalıdır”Redaktor.az
