“Hadisələrin gedişatı onu göstərir ki, Ermənistan böyük güclər tərəfİndən zorlanır. Əgər Ermənistan Zəngəzur dəhlizinin açılmasına imkan verməsə, indiki hakimiyyət maraqlı qüvvələr tərəfindən devriləcək”. Alp.az xəbər verir ki, bu fikirləri erməni türkoloq Varujan Qeqamyan müsahibəsində bildirib.
Türkoloq bildirib ki, yaxın zamanda Zəngəzur dəhlizi açılmalıdır, bu məsələdə Ermənistanın seçimi yoxdur.
“Əgər rəsmi İrəvan bundan imtina etsə birinci Xankəndi və ətraf rayonları, daha sonra isə Zəngəzuru itirəcək. Böyük güclər üçün Ermənistan çox kiçik ölkələdir. Onların maraqları olan tikə minlərlə insanın qanı bahasına da olsa əldə ediləcək. İndiki halda bizim taleyimiz nə Rusiyadan, nə də Fransadan asılıdır. Bizim taleyimizə qərar verən İlham Əliyevdir. Zəngəzur dəhlizi dünyanın böyük güclərinin ümid işığıdır. Ona əl uzadanları məhv edəcəklər. Hökumət bunu anlamalı dərhal sülh danışıqlarını sürətləndirməlidir” – deyə Varujan Qeqamyan müsahibəsində bildirib.
