“Azərbaycan tərəfinin Qarabağda yüksək səslə Azan verməsi və musiqi səsləndirməsi Rusiya sülhməramlı qüvvələrinin müvəqqəti disliokasiya olunduğu Xankəndi və ətraf bölgədə yaşayan ermənilər arasında çaşqınlıq yaradır. Ermənilər hazırda yaşadıqları ərazilərin Azərbaycana məxsus olduğunu xatırlayıb, qorxuya düşürlər”.
Bu fikirləri siyasi şərhçi Elçin Xalidbəyli Medianenews.az saytına açıqlaması zamanı bildirib.
Onun sözlərinə görə, Ermənilər anlayırlar ki, onların qarşısında cəmisi iki seçim variant mövcuddur:
“Yəni, ermənilər ya separatizm fəaliyyitlərinə son qoymalıdırlar və Azərbaycanın vətəndaşlığını qəbul ertməlidirlər. Çünki yalnız bu variant ermənilərə Azərbaycan ərazisində qanunların tələbi daxilində yaşamaq hüququ yarada bilər. Ya da ermənilər üçün ikinci variant qalmış olur ki, o da Azərbaycan ərazisini tərk edərək, Ermənistana köçməkdən ibarətdir. Üçüncü variant isə ümumiyyətlə, mövcud deyil.
Təbii ki, bütün bunlar Xankəndi və ətraf bölgədə separatizmlə məşğul olan erməniləri, eləcə də bölgədə müvəqqəti dislokasiya olunan rus sülhməramlılarını ciddi şəkildə narahat edir. Çünki tezliklə Xankəndi və ətraf bölgədən ermənilərin köçü başlaya, ya da onların Azərbaycan vətəndaşlığını qəbul etməsi reallaşa bilər. Bu iki variant da həm Araik Arutyunyan və onun separatçılarına, eləcə də rus sülhməramlılarına qətiyyən sərf etmir. Çünki bu iki variantdan hər hansı biri reallaşdıqdan sonra Rusiya sülhməramlılarının Xankəndi və ətraf bölgədəki missiyası əhəmiyyətini itirmiş olacaq. Nəticədə Rusiya sülhməramlı qüvvələri bölgəni tərk etmək məcburiyyətində qalacaqlar.
Rusiya sülhməramlı qüvvələrin Xankəndi və ətraf bölgəni tərk etməsindən sonrasa, Araik Arutyunyan və onun separatçılarını da cəmisi iki variant gözləyir. Yəni, erməni separatçılar ya Azərbaycan hüquq-mühafizə orqanları tərəfindən həbs ediləcəklər, ya da Xankəndi və ətraf bölgədən qaçmalı olacaqlar”.
Siyasi şərhçinin sözlərinə görə, ona görə də, indi Araik Arutyunyan və onun separatçı dəstəsi Rusiya sülhməramlı qüvvələri ilə ortaq hərəkət edirlər:
“Erməni separatçıların yüksək səslə müraciətləri də Rusiya sülhməramlı qüvvələri ilə ortaq hazırlanmış aksiya təsiri bağışlayır. Həmin müraciətlərdə Azərbaycan tərəfi atəşkəsə riayət etməyə çağırılır. Halbuki atəşkəsin pozulması məhz rus sülhməramlıların günahı ucbatından hələ də bölgədə qalan qnunsuz silahlı erməni dəstələrinin təxribatlarıdır. Belə anlaşılır ki, erməni separatçılar və rus sülhməramlılar Azərbaycanı şantaj etməyə çalışırlar. Halbuki bütün bunların heç bir nəticə verməyəcəyi də qətiyyən şübhə doğurmur”.
