44 günlük Vətən savaşında biabırçı məğlubiyyətə uğrayan erməni ordusu Xankəndində toplaşdı. Həmin günlərdə mütamadi canlı yayım açan qondarma rejimin rəhbəri Araik Arutunyan müharibənin dam etdiyini deyirdi. Lakin bir qədər sonra rəsmi İrəvan müharibədə uduzduqlarını etiraf etdilər. Lakin qondarma rejimin rəhbəri Araik Arutunyan müxtəlif vasitələrdən istifadə edərək savaşacaqlarını bəyan edirdi. İki dəfə Rusiyaya səfər edən Araikin hansı adla qəbul edildiyi də bəlli deyildi. Bir sözlə Rusiya ikili oyununa davam edirdi. Bu günlərdə davamlı olaraq Şuşanın və Naxçıvanın atəşə tutulması Rusiyanın hansı siyasət yürütdüyünü ortaya qoydu. Rusiyaya məhz bu işdə Araik kimi adam lazımdı. İndi məlum olur ki, Rusiya Araik Arutunyan bu sədaqətini mükafatsız qoymayıb. Alp.az xəbər verir ki, Rusiya Araik Arutunyana Jeleznovodskdakı “Maska” otelini hədiyyə edib. Otel İnozemtsevo st. Qaqarin, 213A ünvanda yerləşir . Otel Meliksetyan Karen adına sənədləşdirilib. Ancaq mütamadi bu oteldə görünən Araikin otelin əsl sahibi olduğu deyilir. Daha bir maraqlı məqam otelin daimi müştərilərindən birinin Rusiyada yaşayan məşhur iş adamı olması iddiasıdır. Erməni mətbuatı yazır ki, Azərbaycanlı iş adamı Araik Arutunyanla məhz oteldə görüşür. Onun Rusiyada böyük biznesə malik olduğunu yazan mətbuat, həmçinin iş adamın Araiklə Moskvada ortaqlığı olduğunu iddia edir.
