image-ads_2000x150
image-mjuybackend

10 mövqe partladıldı və həmin ərazilərdən erməni silahlıları…  – Ekspert SENSASİON FAKTLARI açıqladı

image-ads_728x90

Xocalının Daşkənd yaşayış məskənində Ermənistanın silahlı birləşmələrinin 100-ə yaxın texnika yerləşdirməsinin peyk görüntüləri yayılıb.
Hazırda Rusiya sülhməramlılarının nəzarəti altında olan bu ərazidə cərəyan edən prosesləri hərbi ekspert Ədalət Verdiyev Herbiand.az-a şərh edib:
“Rusiya sülhməramlılarının müvəqqəti nəzarətində olan ərazilərimizdə oktyabr ayında yenilənən peyk görüntülərindən məlum olur ki, Şuşadan çox da uzaqda olmayan ərazilərdə məhz Daşkənd yaşayış məskənində erməni silahlıları 100-ə yaxın zirehli, yüngül zirehli, zirehsiz texnikalar, o cümlədən ağır artileriya vasitələri yerləşdiriblər. Bu texnikaların ermənilər tərəfindən bu ərazilərdə, həm də bizim müşahidə edə biləcəyimiz ərazilərdə, maskalanma şərtlərinə əməl etmədən yerləşdirilməsi bir neçə məqsəd daşıya bilər.

İlk növbədə xatırlayırsınızsa, Araik Arturyanın bir həftə əvvəl belə bir bəyanatı ortaya çıxmışdı. O, QHT-lərin rəhbərlərindən biri ilə söhbəti zamanı bildirmişdi ki, Azərbaycanın təyziqi altında mən separatçı qurumun hərbi qüvvələrinin Qarabağ müdafiə ordusunu buraxmaq məcburiyyətindəyəm.

İkinci məsələ: Ağdarə istiqamətində ermənilərin mövqelərini Rusiya sülhməramlıları tərəfindən partladılmasının şahidi olduq. Həmin ərazilərdə 10 mövqe partladıldı və həmin ərazilərdən erməni silahlıları çıxarıldı. Bu barədə ağıla gələn ilk versiya texnika və silahlar Ermənistana məxsusdur. Onlar bir neçə istiqamətdə, əsasən Xocalının Daşkənd yaşayış məntəqəsi istiqamətində yerləşdirilib. Onların məntəqən çıxarılma ehtimalı mövcuddur. Lakin biz son 1 il ərzində, atəşkəs müqaviləsi imzalandıqdan sonra silahlıların ordan çıxarılması faktına malik olmadığımız üçün bu ehtimalı yüksək qiymətləndirə bilmirik. İstənilən halda Rusiya sülhməramlılarının nəzarəti altında olan ərazilərdə erməni silahlı birləşmələrinin silah və texnikalarının olması faktdır. Bu isə Rusiya sülhməramlılarının və Ermənistanın üçtərəfli birgə bəyanatının 4-cü maddəsinin yerinə yetirilməməsi deməkdir.

Görünür düşmən 44 günlük Vətən müharibəsində düzgün bir nəticə çıxarmayıb. Əgər onlar növbəti dəfə bəyanatın şərtlərinə əməl etməkdən imtina edərsə, Azərbaycan da bu bəyanatın şərtlərinə əməl etmək kimi bir öhdəliyi qalmaz və bu öhdəlik tamamilə aradan qalxmış olur. Bu isə növbəti dəfə Ermənistanın münaqişəni alovlandırmaq cəhdi kimi dəyərləndirilməlidir”.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki