İsrail İranın nüvə obyektinə mümkün hücum üçün 1.5 milyard dollarlıq büdcənin təsdiqini açıqlayıb. Alp.az xəbər verir ki, bu haqda məlumatı
İsrailin Kanal 12 nəşrinə adını açıqlamayan hərbi ekspert açıqlamasında bildirib. “Ölkə İranın nüvə obyektlərinə hücum etmək üçün hərbi qabiliyyətlərini gücləndirmək üçün 1.5 milyard dollarlıq yetkin rəqəm ayırıb. ”
Hərbi ekspert açıqlamasında bu məbləğin bir hissəsi İranın nüvə obyektlərindən məlumat toplamaq üçün istifadə olunan peyklərə xərclənə biləcəyini bildirib.
Nəşr qeyd edir ki, hazırki büdcədən əlavə, cari ilin maliyyə büdcəsindən 931 milyon dollar, gələn ilin büdcəsindən isə 621 milyon dollar da bu məqsədlə ayrılacaq.
Xatırladaq ki, bir neçə gün öncə Amerika İranın yeraltı atom təsisatlarını dağıtma gücünə sahib, 2268 kiloqram ağırlığında bomba hazırladığı barədə məlumat yaymışdı.
Həmçinin, atom anlaşmasında qalan digər ölkələrlə danışıqların uzanmasından istifadə edən İran bunu fürsətə çevirərək, günü-gündən atom proqramını inkişaf etdirir və uranyumun tərkibini gücləndirir.
Mütəxəssislərin fikrincə, İran əgər atom əldə etmək istəsə, bunu artıq bir neçə ay ərzində edə bilər. Belə olan halda atom anlaşmasının ciddi bir fayda verməyəcəyi artıq anlaşılandır.
