Vətən müharibəsində böyük şücaət göstərmiş igidlərimizdən biri də, bu gün doğum günü ola, xüsusi təyinatlı şəhidimiz Tural Rəşidovdur.
Tural Rəşidov 1989-cu il mayın 30-da Balakən rayonunun Tülü kəndində anadan olub.
1995-2006-cı illərdə Balakən rayonunun İ.Nəsimi adına 2 saylı tam orta məktəbində təhsil alıb
Uşaqlıqdan mərdliyi və vətənpərvərliyi ilə seçilən Tural ikinci Vətən müharibəsinin elə ilk günlərindən cəbhəyə yollanıb.
Xüsusi təyinatlı bölüyün giziri Tural Rəşidov Murovdağ, Füzuli, Cəbrayıl və Hadrut istiqamətində gedən döyüşlərdə iştirak edib. Hərbi hazırlığı, gücü ilə yağıların ürəyinə od salan gizir Tural Rəşidov döyüşlərdə böyük şücaət göstərib.
Tural Rəşidov ötən il oktyabrın 15-də döyüşlərin birində qəhrəmancasına şəhid olub.
Şəhidimiz ölümündən sonra “Qarabağ” ordeni , eləcə də “Vətən uğrunda”, Cəbrayılın azad olunmasına görə” və “Füzulinin azad olunmasına gorə” medalları ilə təltif olunub.
