“Xocalı” İdman klubu növbəti beynəlxalq yarışa yollanır. Klubdan saytımıza verilən məlumata görə “Xocalı” İdman klubu 26 idmançı ilə bu dəfə Türkiyənin Qars şəhərində baş tutacaq “World Qrand Prix Turkey ” yarışına qatılacaqlar. Bu yarışa qatılacaq 26 idmançını Azərbaycan Kikboksinq Federasiyasının prezidenti Orxan Əliyev qəbul edərək idmançılara uğurlar arzulayıb. Federasiyanın prezidenti idmançılardan yüksək nəticə gözlədiyini vurğulayaraq bildirib ki, bu yarış gələcək uğurların təməlidir. Görüşdə federasiya prezidenti gənc idmançılara öz tövsiyyələrini verib.Federasiya prezidenti Orxan Əliyev baş məşqiçi Əli Cəfərova və idmançılara qələbə ilə dönməyi arzu edib. Sonda Federasiya prezidenti idmançılarla xatirə fotosu çəkdirib.
