“Rusiya öz tələblərini açıq şəkildə bildirib, lakin Ukrayna mövqeyini dəyişməkdə davam edir. Sülh yolu ilə nizamlanmanın gecikdirilməsi isə Kiyevi silahla təmin edən ABŞ-ın xeyrinədir”.
Alp.az xarici mediaya istinadən xəbər verir ki, bu fikirləri Rusiya XİN rəhbəri Sergey Lavrov səsləndirib.
O bildirib ki, Ukrayna nümayəndə heyəti Rusiya ilə danışıqlarda öz mövqeyini daim dəyişir:
“Danışıqlar başlayıb, proses gərgin gedir. Çünki Ukrayna tərəfi danışıqlar zamanı razılaşdırılmalı olan məsələləri anladığını bildirsə də, daim öz mövqeyini dəyişir və təkliflərindən imtina edir” – o deyib.
Lavrov Kiyevin danışıqların tez yekunlaşmasında maraqlı olmayan ABŞ-ın planlarına rəvac verdiyini açıqlayıb: “Bu zaman ABŞ Ukraynanı silahlandırmağa davam edəcək. Danışıqların uzadılması vəziyyəti dramatikləşdirmək və Zelenskiyə NATO-nun müdaxiləsini tələb etməyə şərait yaratmaq məqsədi daşıyır”.
Lavrov qeyd edib ki, Ukrayna Donbassda seçkilər keçirməli, hərbi əməliyyatların iştirakçılarına amnistiya elan etməli və iqtisadi əlaqələri açıqlamalıdır. Yalnız bundan sonra tərəflər sərhəd üzərində nəzarəti Kiyevə vermək barədə danışa biləcəklər.konkret.az
