Ukrayna hərbçilərinin aylıq əmək haqları 100 min qrivna (5 650 AZN) olacaq. Bunu Ukrayna prezidenti Vladimir Zelenski xalqa müraciətində bildirib.
“Biz anlamalıyıq ki, bu gün ən önəmli iş hərbçi olmaq, vətəni qorumaqdır. Ona görə, mən istəyirəm ki, dövlət bu işə görə layiqincə ödəniş etsin. Biz, əslində silah tutan hərbçilərimizə ayda 100 min qrivna ödəyəcəyik. Bunu onların bizə “sağ ol” deməsi üçün etmirik. Qoy bilsinlər ki, ölkə onlara minnətdardır. Bu, müharibə bitənə qədər davam edəcək”, – Zelenski vurğulayıb.
