Şərqi Azərbaycan əyalətinin Hava Limanları Baş İdarəsinin rəisi Təbriz-Ankara və əks istiqamətdə uçuşların açıldığını deyib: Bu uçuş xəttinin yaradılması ilə, Təbrizin “Şəhid Mədəni” beynəlxalq hava limanında xarici uçuşların sayı dörd marşruta yüksəlib.
Alp.az xəbər verir ki, Ramin Azəri bazar günü axşam “Anadolu Jet” hava yolları şirkəti tərəfindən Təbrizin “Şəhid Mədəni” beynəlxalq hava limanından Türkiyənin Ankara şəhərinə ilk uçuşundan öncə bildirib: Sözügedən uçuş elan edilmiş qrafikə və cədvələ əsasən, hər həftənin bazar günü saat 15:05-də Təbriz hava limanına enəcək və saat 16:00-da Təbrizdən Ankaraya yola düşəcək.
O habelə bildirib: Hazırda Təbrizin “Şəhid Mədəni” hava limanından İranın 12 şəhərinə və dörd xarici şəhərə – Ankara, İstanbul, İzmir və İrəvana uçuşlar həyata keçirilir.
