Azərbaycan-Ermənistan dövlət sərhədinin Kəlbəcər istiqamətində bu gün günün ikinci yarısından etibarən başlayan atışma hələ davam edir. Müdafiə Nazirliyindən verilən məlumata görə, Azərbaycan ordusunun bölmələri cavab atəşləri ilə düşməni susdurur.
Xatırladaq ki, atışma nəticəsində Azərbaycan ordusunun bir giziri şəhid olub. Ermənistan Müdafiə Nazirliyi “üç əsgərinin yüngül yaralandığını” bildirsə də, erməni sosial şəbəkəsində iki tankın məhv edildiyi, 11 erməni əsgərinin ağır yaralandığı bildirilir.
