Slovakiya hökuməti Bratislava və Kiyev arasında “Zuzana” 2 özüyeriyən artilleriya qurğularının satışına dair danışıqlarla bağlı məlumatları təsdiqləyib.
Alp.Az “Reuters”-a istinadla xəbər verir ki, bu barədə Slovakiyanın müdafiə naziri Yaroslav Nad mediada bu mövzuda dərc olunan yazılardan sonra bildirib.
“Mən təsdiq edə bilərəm ki, biz danışıqlar aparırıq”, – müdafiə naziri televiziya debatında deyib. O, digər təfərrüatları açıqlamayıb.
Media öz mənbələrinə istinadən xəbər verir ki, 16 haubitsa alınması müzakirə olunur.
Zuzana 2 nədir?
Zuzana “DANA M2 özüyeriyən silahların modernləşdirilmiş versiyasıdır. Haubitsa 39 km-dən çox məsafədəki hədəfləri vura bilir və dəqiqədə 5 atəş açmaq gücündədir. Bu artilleriya sistemləri Polşa, Çexiya və Gürcüstan ordularında istifadə olunur.
Aprelin 8-də məlum olub ki, Slovakiya S-300 hava hücumundan müdafiə batalyonunu əvəz etmək üçün Amerika “Patriot”unu qəbul edərək, öz S-300 sistemini Ukraynaya təhvil verib.
Elə həmin gün Ukraynanın Slovakiyadan Zuzana özüyeriyən artilleriya qurğuları ala biləcəyi barədə məlumatlar ortaya çıxdı. Dennikn.sk o zaman bildirib ki, bu avadanlığın alınması ilə bağlı danışıqlar demək olar ki, başa çatıb.
Rüfət
Alp.Az
