ABŞ Müdafiə Nazirliyinin (Pentaqon) məxfi sənədlərini dərc edən “Nyu-York Tayms” Amerika ordusunun Yaxın Şərqdə hava hücumlarında mülki insanları necə öldürdüyünü və bu cinayətləri necə gizlətdiyini açıqlayıb.
Alp.az xəbər verir ki, nəşr ABŞ-ın İraq, Suriya və Əfqanıstanda həyata keçirdiyi hava hücumlarının nə böyük fiasko ilə nəticələndiyini yazıb.
ABŞ ordusunun İraq, Suriya və Əfqanıstandakı hava hücumlarında kəşfiyyat zəifliyindən əziyyət çəkdiyi, hədəfləri səhv vurduğu və minlərlə dinc sakini öldürdüyü üzə çıxıb. Qəzet Amerika əsgərlərinin Əfqanıstanda bomba yerləşdirilmiş avtomobil əvəzinə 10 nəfərlik ailəni məhv etdiyini xatırladaraq, bunun sistemli olduğu və Pentaqonun bu məlumatları ictimaiyyətdən gizlətdiyini bildirib.
1300-dən çox yazışma və sənədi araşdıran qəzet çoxu uşaq olmaqla minlərlə mülki şəxsin kəşfiyyat məlumatları sorğu-sual edilmədən ABŞ tərəfindən tələsik öldürüldüyünü ortaya çıxarıb. Bu hücumlarda 1417 dinc sakin həlak olub. Faktiki rəqəmlərin bundan xeyli çox olduğu bildirilib. Digər tərəfdən, bəzi sənədlərdə ölənlərin sayı bilərəkdən az qeyd edilib.
Pentaqonun bir çox sənədində şəffaflığın olmadığı qeyd edilib və minlərlə sənəd arasında “səhvlər”dən yalnız bir dəfə bəhs edildiyi deyilib. Eyni sənədlərdə 50 mindən çox hava hücumunun həyata keçirildiyi və əksəriyyətinin kəşfiyyat məlumatə olmadan reallaşdırıldığı bildirilib. Sənədlərdə bu hücumların əvvəlcədən planlaşdırılmadığı deyilib.teleqraf
