ABŞ Konqresi Çexiya Respublikasına hərbi yardım paketini təsdiqlənməsinə dair təklifi dəstəkləyib.
Alp.az-ın məlumatına görə, bu bardə xəbəri ABŞ Konqresi yayıb.
Məlumatda bildirilib ki, 100 milyon ABŞ dolları məbləğində olacaq hərbi yardım Çexiya ordusuna “Xarici hərbi maliyələşdirmə” proqramı əsasında həyata keçiriləcək.
Hesab edilir ki, Çexiyaya ayrılan bu yardım Ukrayna ordusunun silahlandırılması və adıçəkilən ölkədə gedən müharibədə zədələnmiş hərbi vasitələrin əsaslı təmiri üçün nəzərdə tutulub.
Bundan başqa ABŞ Konqresi Çexiyaya kibertəhlükəsizlik proqramları üçün də 6 milyon dollar maliyyə yardımı ayırıb.
Çexiyanın müdafiə naziri Yana Çernoxova isə açıqlamasında bildirib ki, rəsmi Praqa Ukraynaya aid hərbi vasitələrin əsaslı təmiri və modernləşdirilməsi işlərini davam etdirəcək.
Xəbərdə qeyd olunub ki, Çexiya bu günə kimi Ukraynaya Ukraynaya T-72 tankları, RM-70 reaktiv yaylım atəş sistemləri, “Dana” və 122 mm-lik 2S1 “Qvozdika” özüyeriyən haubitsaları, o cümlədən döyüş helikopterləri verib.
