ABŞ Müdafiə Nazirliyi (Pentaqon) pilotsuz uçuş aparatlarına (PUA) qarşı vahid komanda mərkəzi yaradır.
Alp.az-ın xəbərinə görə, bu barədə açıqlama ABŞ Müdafiə Nazirliyindən verilib.
Məlumatda bildirilir ki, mövcud vəziyyətdə müharibələrdə kiçik PUA-larla, yəni dronlarla mübarizə aparılması çətinləşir. Bu baxımdan ABŞ ordusunda Kiçik Pilotsuz aviasiya vasitələrinə qarşı Vahid Sistemin yaradılmasının əhəmiyyəti artıb.
Artıq bu məqsədlə ABŞ Konqresi Pentaqona 2023-cü ilin müdafiə büdcəsindən 668 milyon dollar elmi-nəzəri işlər, 78 milyon dollar isə müvafiq avadanlıqların satınalınması üçün ayırıb.
Pentaqondan bildirilib ki, ABŞ ordusunun xidmət apardığı ərazilərdən ilkin olaraq 40-dan artığı yeni yaradılacaq bu vahid sistemin fəaliyyət dairəsinə salınacaq. Bunlar əsasən Yaxın Şərqdəki ABŞ hərbi bölmələrinin xidmət apardığı bölgələrdir.
