Son günlər cəbhədə baş verən gərginliklərin fonunda Azərbaycan tərəfi adekvat addımlar atdı.
Avqustun 25-də Azərbaycan hərbçiləri Ermənistanı İranla birləşdirən Gorus-Qafan yolunun bir hissəsini bağlayıb.
Ermənistan mətbuatı yazır ki, bu barədə Ermənistan Milli Təhlükəsizlik Xidmətinin mətbuat mərkəzi məlumat yayıb.
Erməni mətbuatı iddia edir ki, Azərbaycan tərəfinin tələbi yerinə yetməsə sentyabrın 2-də Laçın dəhlizi də bağlanacaq. Erməni tərəfi iddia edir ki, Azərbaycan tərəfinin tələbləri bunlardır: sentyabrın 2-nə kimi ərazidəki erməni silahlı dəstələri Qarabağdan çıxardılmalı, sentyabrın 2-nə təyin edilən qondarma müstəqillik tədbirləri ləğv edilməlidir.
Əks halda Azərbaycan tərəfi anti-terror əməliyyatı keçirməyə məcbur ola bilər.
Qoşqar Salmanlı
