Belarusdakı Şərq Hərbi Dairəsinin (VVO) qoşunları 10 min kilometrə qədər məsafəyə köçürülüb. Bu barədə TASS Rusiyanın müdafiə naziri Sergey Şoyquya istinadən məlumat yayıb.
Söhbət Rusiya və Belarusun iştirakı ilə birgə təlimlərdən gedir.
“Rusiya və Belarus prezidentlərinin qərarına əsasən, İttifaq dövlətinin çevik qüvvələri sınaqdan keçirilir. Rusiya silahlı qüvvələrindən Şərq Hərbi Dairəsinin hərbi komandanlığı, nəzarət orqanları və bölmələri cəlb olunub”, – Şoyqu izah edib. O əlavə edib ki, hazırda bu təlimlərin birinci mərhələsi keçirilir. Aviasiya birləşmələrinin şəxsi heyəti və hava hücumundan müdafiə sistemləri köçürülüb.
Rusiya Müdafiə Nazirliyinin yaydığı məlumatında bildirilir ki, hərbçilər Belarusda səhra düşərgəsini quraşdırıb.
