Rusiya ordusu bütün səylərini Ukrayna Silahlı Qüvvələrinin hücum və irəliləyişinin qarşısını almağa cəmləşdirib, bunun üçün aktiv şəkildə hava və raket zərbələri endirilir.
Alp.az xəbər verir ki, bu barədə Ukrayna Müdafiə Nazirliyinin Baş qərargahı məlumat yayıb.
Seversk istiqamətində RF Silahlı qüvvələri Rusiya-Ukrayna sərhədinin Bryansk və Kursk vilayətlərindəki hissəsini əhatə etmək üçün Qərb Hərbi Dairəsinin 1-ci Tank Ordusunun üç batalyon taktiki qrupunu və hava-desant bölməsini saxlamağa davam edir. Bryansk vilayətində ruslar zenit-raket diviziyasına “S-300V4” hava hücumundan müdafiə raket sistemini yerləşdirib.
Bundan əlavə, Rusiya ordusu Sumı rayonunun Seredina-Buda kəndi ərazisində artilleriya atəşi həyata keçirib. Slobojansky istiqamətində rus hərbçiləri Timofeyevka və Morozova Dolina yaşayış məntəqələrinin ərazilərini artilleriya atəşinə tutub.
Xarkov istiqamətində rusların əsas səyləri müdafiə qüvvələrinin Ukraynanın Dövlət Sərhədinə qədər irəliləməsinin qarşısını almağa yönəlib. RF-nin taktiki taborları Kazaçya Lopan, Maliye Proxodi, Dementyevka, Petrovka, Yuxarı Saltov, Rubijnoye yaşayış məntəqələri və Xarkov şəhəri ətraflarından intensiv artilleriya atəşinə tutulublar.
Slavyan istiqamətində ruslar Çepol, Prişib, Protopopovka, Bolşaya Kamışevaxa, Dubrovno, Vernopolye, Mayak, Kurulka, Boqorodiçnoye, Mazanovka, Krasnopole yaşayış məntəqələri ərazilərində top artilleriyasından və çoxsaylı reaktiv sistemlərdən zərblər endirib.
Severodonetsk istiqamətində Lisiçansk, Sirotino, Voronovo, Borovskoye, Belaya Qora, Ustinovka, Mirnaya Dolina, Toşkovka yaşayış məntəqələrinin əraziləri top və raket artilleriyasından atəşə tutulub, Belaya Qora yaxınlığında isə “Su-25”lər hava zərbələri endirib. Hazırda Severodonetsk şəhəri üzərində tam nəzarəti ələ keçirmək üçün döyüşlər davam edir.
Rusiya ordusu Liman, Avdeyev, Kuraxovsk, Novopavlovsk və Zaporojye istiqamətlərində Ukrayna qoşunlarının yenidən qruplaşmasının qarşısını almağa çalışır.Musavat.com
