image-ads_2000x150
image-minabackend

 Ramil Məmmədli: Bizim dəqiq mina xəritəsinə ehtiyacımız var

image-ads_728x90

İşğaldan azad olunan ərazilərin minalardan təmizlənməsi olduqca çətin və təhlükəli prosesdir. Bu gün həmin ərazilərdə həm hərbi, həm də humanitar təyinatlı minatəmizləmə işləri həyata keçirilir. Bu işlər Azərbaycan Respublikasının Minatəmizləmə Agentliyinin (ANAMA), Müdafiə Nazirliyinin, Dövlət Sərhəd Xidmətinin, Fövqəladə Hallar Nazirliyinin müvafiq minatəmizləmə qurumları, mühəndis-istehkam bölmələri tərəfindən görülür. Prosesin səmərəliliyini artırmaq və sürətləndirmək üçün azad edilən ərazilərin daha dəqiq mina xəritələrinə ehtiyac var.
Bunu Xəzər Müdafiə Tədqiqatları Mərkəzinin rəhbəri, hərbi şərhçi Ramil Məmmədli AZƏRTAC-a açıqlamasında deyib.

image-ramil
Hərbi ekspert bildirib ki, Azərbaycan öz ərazilərinin minalardan təmizlənməsi işində BMT və digər beynəlxalq təşkilatlardan daha fəal dəstək gözləyir. Ölkəmizin bu məsələ ilə bağlı beynəlxalq təşkilatlar qarşısında qaldırdığı məsələ hələ ki, icra olunmur: Dekabrın 9-da Şuşada iki mülki şəxsin ölümünə səbəb olan mina hadisəsi Ermənistanın törətdiyi mina terrorunun növbəti təzahürüdür. Həmin partlayıcı qurğu altda tank əleyhinə, üstdə isə piyada əleyhinə mina olmaqla məqsədyönlü şəkildə elə quraşdırılıb ki, partlayış zamanı minaya düşən şəxs həlak olsun. Bu mina kombinasiyasının məqsədi həm də daha çox insanı öldürmək üçün partlayış dalğasını geniş əraziyə yaymaqdır. Ermənistan terrorçu dövlət olduğunu bu hadisə ilə bir daha sübut etdi. Mina terrorunun qarşısını almağın yeganə yolu isə Ermənistana təsir göstərməkdir. Buna görə də beynəlxalq ictimaiyyət Ermənistana qarşı daha ciddi təzyiq alətlərini işə salmalıdır. Əks təqdirdə, mina problemi yenə də davam edəcək. Ermənilər “sürpriz mina”lardan, o cümlədən bir-birinin üzərinə basdırılmış hərbi sursatlardan, evlərdə yerləşdirilən partlayıcı qurğulardan istifadə etməklə terror hadisələrini gələcəkdə də törədəcəklər. Çünki bu tip “sürpriz-minalar”dan adətən diversiya, terror aktları zamanı istifadə olunur. Bu isə Ermənistan tərəfinin terrorçu niyyətinin bariz nümunəsidir.
“Ermənistanın indiyədək Azərbaycan tərəfinə təqdim etdiyi minalanmış sahələrin formulyarları qeyri-dəqiq və etibarsızdır. Beləliklə, Ermənistan məqsədli şəkildə daha çox mülki şəxsi öldürməyə cəhd göstərir. Əsas hədəflərdən biri bölgəmizdə hərbi gərginliyin azalmasına imkan verməməkdir. Ağır texnikanın keçmədiyi ərazilərdə, eləcə də meşələrdə tank əleyhinə “mina tələləri”nin, “sürpriz mina”ların quraşdırılması, həmçinin qeyri-dəqiq xəritələr Ermənistanın dövlət səviyyəsində mina terrorunu dəstəklədiyini bir daha sübut edir”, – deyə R.Məmmədli vurğulayıb.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki