Azərbaycanda və dünya ordularında qadınlarda xidmət keçir. Bir çox ölkələrdə qadınların orduda xidməti məcburi olsada, Azərbaycanda bu müqavilə əsasında baş tutur. Alp.az olaraq bu gün dünya ordularında qadınların keçdiyi xidmət haqqında məlumat verəcəyik.
Azərbaycanla bərabər İsrail, İngiltərə, Türkiyə, Rusiya və sair kimi dünya ölkələrinin silahlı qüvvələrində qadınlar xidmət etməkdədir. Qadınlar bir çox dünya ordularında müxtəlif vəzifələrə təyin edilsələrdə, aktiv olaraq döyüş əməliyyatlarında qadınlardan istifadə edən çox az ölkə var. Əksər ölkələrdə qadınların xidməti istəkləri əsasında olsada bəzi ölkələrdə bu məcburidi.
Bu ölkələrdən bəzilərini sizə təqdim edirik.
İsraildə qadınlar məcburi xidmət keçir.
Orduda qadınların xidmətindən istifadə edən dünya ölkələrindən ən məhşuru İsraildir. Belə ki, İsrail ordusunda qadınlar üçün hərbi xidmət keçmə məcburidir. İsrail ordusunda müxtəlif vəzifələrdə xidmət edən qadınların 1994-ci ilə qədər Hərbi Hava Qüvvələrində xidmət etməyi qadağan olunsa da sonradan bu qadağa ləğv edildi. İsraildə qadınların məcburi hərbi xidmət müddəti 2 il, kişilərdə isə 3 ildir.
Qadinlarin könüllük prinsipi əsasında orduda xidmət etdiyi ölkələrdən biri şimal qonşumuz Rusiyadır.
Rusiya digər dünya ölkələrinə müqaisədə orduda qadınlardan daha aktiv olaraq istifadə edir. 2-ci dünya müharibəsindən etibarən başlanan bu prosesdə qadınlar bu gün Rusiya ordusunda snayperçi, plemyotçu, tank ekipajı, pilot kimi təhlükəli vəzifələrdə xidmət göstərirlər.
Türkiyədə yalnız kişilərin məcburi xidmət etməsinə baxmayaraq qadınlarda öz istəkləri əsasında orduda xidmətə cəlb olunur. Hətta qadınlar Türkiyənin Suriyada keçirdiyi Fərat Qalxanı və Zeytun budağı kimi əməliyyatlarda müxtəlif vəzifələrdə iştirak edib. Qadınlar bu gün Türkiyə ordusunda hərbi hava qüvvələrindən tutmuş Jandarma qüvvələrinə qədər bir çox silahlı birləşmələrdə müxtəlif vəzifələrdə xidmət edir.
Qeyd etdiyimiz kimi, Azərbaycan xanımları da ordumuzda xidmət keçir. Xidmət keçən qadınlarımız içərisində hərbi pilot, snayper kimi xidmət keçən xanımlar var. Birinci Qarabağ savaşı zamanı döyüşən ordumuzun tərkibində qadınlar taboru da var idi. Bu gün onların yolunu davam etdirən yüzlərlə xanım ordumuzun tərkibində xidmət keçir. 44 günlük Vətən müharibəsində döyüşlər zamanı hətta xanımlarımızdan biri, Azərbaycan Silahlı Qüvvələrinin çavuşu və hərbi feldşeri Arəstə Baxışovu şəhid oldu.
