ABŞ Müdafiə Nazirliyi – Pentaqon yaxınlığında atışma baş verib. Bu səbəblə Pentaqon işini müvəqqəti dayandırıb, əməkdaşları isə binadan çıxarılıb.
Alp.az xəbər verir ki, “Hazırda Pentaqonun qapalı olduğunu təsdiq edə bilərik. Bu, baş verən hadisə ilə əlaqəlidir. Təhlükə sovuşmayıb, əhali həmin ərazidən uzaq durmalıdır” – qurumdan bildirilib.
Arlinqton Yanğın və Xilasetmə Departamentindən bildiriblər ki, hadisə nəticəsində bir neçə nəfər xəsarət alıb. Onlardan biri polisdir. 3 nəfər yaxınlıqdakı xəstəxanaya yerləşdirilib.
