“Səlahiyyətli şəxslər 2018-ci ildə hakimiyyətə gələrək, danışıqlara öz nöqtələrindən başlayaraq ziddiyyətli bəyanatlar və fəaliyyətlər ilə danışıqlar prosesini uğursuz ediblər və ölkəni müharibəyə aparıblar”.
Alp.az xəbər verir ki, bunu Ermənistan parlamentinin “Hayastan” fraksiyasının rəhbəri, ölkənin sabiq müdafiə naziri Seyran Ohanyan deyib.
Onun sözlərinə görə, müharibə zamanı insanlardan və bütün digər vasitələrdən istifadə edərək müdafiəni təmin etmək üçün heç bir səy göstərilməyib.
“Əksinə, müharibə günlərində müxtəlif adlar, orden və medallar verilib. Müharibədən sonra Azərbaycan əraziyə daxil olanda da bunu təşviq etdilər”, – deyə Ohanyan qeyd edib.
Sabiq erməni nazir vurğulayıb ki, Ermənistan hökumətinin Qarabağın “öz müqəddəratını təyin etmə” üçün “mübarizə aparacağı”nı deməyə cəsarəti çatmır.Ordu.az
