Azərbaycan milli komandası bu gün yoxlama oyunu keçirib.
Canni De Byazinin çalışdırdığı kollektiv səfərdə Türkiyə yığması ilə qarşılaşıb.
Alanya şəhərində keçirilən qarşılaşmada hesabı komandamız açsa da, bu üstünlüyünü qoruya bilməyib. Meydan sahibləri bu görüşdə 2:1 hesablı qələbə qazanıb.
Qeyd edək ki, bu, millimizin qardaş ölkənin komandası ilə 8-ci dueli olub. Tərəflər indiyədək 3-ü yoldaşlıq, 4-ü rəsmi görüş olmaqla 7 dəfə üz-üzə gəlib. Millimiz bu oyunların yalnız birində qalib gəlib. 5 dəfə Türkiyə yığması qələbə qazanıb və 1 heç-heçə qeydə alınıb.
27 may
Yoxlama oyunu
21:00. Türkiyə – Azərbaycan – 2:1
Qol: Emin Mahmudov, 28 (0:1), Halil Dervişoğlu, 34 (1:1), Kaan Ayhan, 44 (2:1)
Baş hakim: Genc Nuza (Kosovo)
