Ermənistanda keçmiş prezident Serj Sərkisyan da səs verib. Sərkisyanın partiyası Milli Təhlükəsizlik Xidmətinin keçmiş rəhbəri Artur Vanetsyanın partiyası ilə blok halında seçkiyə qatılır, amma onun özü namizəd deyil.
Səsvermədən sonra Sərkisyan jurnalistlərin Köçəryanla ittifaqın mümkünlüyü haqda sualı ilə qarşılaşıb. Deyib ki, bu haqda danışmaq hələ tezdir. “Bəs Köçəryan hakimiyyəti Nikol Paşinyana təhvil verməyinizi bağışlayarmı?”,-jurnalistlərdən biri soruşub. “Məni ancaq Allah bağışlaya bilər, başqa heç kim”,-xirtəyinə qədər qana batmış və bağışlanmaz günahlar içərisində olan Sərkisyan deyib.
Sərkisyan bildirib ki, hüquq-mühafizə orqanları son günlər onlara təzyiqlər göstərir, kobud zorakılığa əl atır. Tərəfdarları heç bir səbəb olmadan polisə çağırılır, qanunsuz axtarışlar aparılır və s.
