“Robert Köçəryan İrəvan-İstanbul reysinin açılmasına etiraz edir. Maraqlıdır bu reysi kim açıb? ” – Alp.az xəbər verir ki, bunu erməni deputat Vaqarşak Akopyan bu gün parlamentdə bəyan edib .
“ İrəvan-İstanbul reysi hələ 2003-cü ildə fəaliyyətə başlayıb, ilk uçuş Robert Köçəryanın prezidentliyi dövründə oktyabrın 16-da edilib. İndi isə o və adamları etiraz edir. Bu reysi yəni İrəvan-İstanbul reysini Robert Köçəryan açıb”, – Vaqarşak Akopyan bildirib.
O qeyd edib ki, reysin təşəbbüskarı türk şirkəti və Ermənistanın “Baqrat Tour” şirkətidir.
“2015-2016-cı ilə qədər müntəzəm uçuşlar həyata keçirilib, sonra 2016-cı ildə Türkiyə şirkəti Ermənistan bazarına daxil olub. Ermənistan aviaşirkətinin İstanbula, Türkiyə aviaşirkətinin isə İrəvana uçuşu ilə bağlı ikitərəfli razılıq əldə olunub. Bu, 2019-cu ilə qədər davam etdi, sonra İrəvana yalnız Türkiyə aviaşirkəti uçuşlar həyata keçirdi”, – erməni deputatı bildirib.
