Ermənistanın ikinci prezidenti Robert Köçəryan sensasion bəyanat yayıb.
Alp.az erməni mediasına istinadən xəbər verir ki,Robert Köçəryan bəyanatda hazırkı hakimiyyəti sərt ittiham edib: “ Qarabağ itirildi. Ermənistan çətin durumla üz-üzədir. Hakimiyyət isə bütün resurslarını müxalifəti təqib etmək, işgəncə vermək, həbs etmək və öz vəsaitləri hesabına saxlamağa cəmləyib. Aruş Aruşanyan, Manvel Paramazyan, Narek Mantaşyan və Qarnik İsaqulyan müstəsna olaraq siyasi baxışlarına görə həbs olunurlar. Bu gün hətta hakimin də ədalət mühakiməsinin həyata keçirilməsi üçün saxlanmasına artıq təəccüblənmirik. Bu, hüquqi rüsvayçılığın yeni əlamətidir. Bu, məhkəmə hakimiyyətinin müstəqilliyini ləğv etmək üçün xüsusi əməliyyat və həbslə hədə-qorxuların yeni dalğasıdır. Baş verənlər beynəlxalq təşkilatların üstüörtülü dəstəyi ilə qanunun aliliyinin dağıdılmasıdır.”
Robert Köçəryan bildirib ki, tezliklə Nikol Paşinyan və komandası cavab verməli olacaq:” Bu proseslər uzun sürə bilməz, axırda onların sonu gələcək, çünki bu qədər qanunsuzluq heç bir hakimiyyət tərəfindən həzm oluna bilməz. Tezliklə cavab verməyin vaxtı gələcək. O zaman Qarabağa görə Ermənistana görə onlar cavab verəcək”.
