“İran Qafan şəhərində baş konsulluq açacaq” -Alp.az xəbər verir ki, bunu Ermənistan Xarici İşlər Nazirliyinin sözçüsü Vahan Hunanyan bildirib.
“İran hökuməti Ermənistan Xarici İşlər Nazirliyinin Qafanda baş konsulluğun açılması ilə bağlı təklifini təsdiqləyib. “- Bu haqda İran prezidentinin rəsmi saytında məlumat dərc olunub.
“Konstitusiyanın 138-ci maddəsinə əsasən, Nazirlər Şurası Xarici İşlər Nazirliyinin Ermənistanın Qafan şəhərində baş konsulluğunun açılması təklifini təsdiqləyib”, – məlumatda deyilir.
Ermənistan Xarici İşlər Nazirliyi İran hökumətinin Qafanda baş konsulluq açmaq qərarına toxunaraq qeyd edib ki, Ermənistan da İranda baş konsulluğun açılması üzərində işləyir.
“Biz həmçinin qarşılıqlı əsasda İran İslam Respublikasında Ermənistan Respublikasının Baş Konsulluğunun açılması üzərində işləyirik”, – Ermənistan Xarici İşlər Nazirliyinin sözçüsü Vahan Hunanyan bildirib.
