Bu gün Azərbaycanın baş nazirinin müavini, habelə Delmitasiya Komissiyasının sədri Şahin Mustafayevlə Ermənistanın baş nazirinin müavini Mqer Qriqoryan Azərbaycan-Ermənistan sərhəddində görüşüblər. Alp.az xəbər verir ki, bu barədə Ermənistan Xarici İşlər Nazirliyi məlumat yayıb.
Məlumatda deyilir ki, görüş iki ölkə arasında müvafiq tapşırıqlar əsasında əldə olunmuş razılaşmaların icrası çərçivəsində baş tutub.”Tərəflər demarkasiya və digər müvafiq məsələlər, o cümlədən sərhəd təhlükəsizliyi üzrə komissiyalar çərçivəsində işləməyə hazır olduqlarını təsdiqləyiblər. Komissiyaların birgə fəaliyyətinin təşkilati-prosessual məsələləri müzakirə olunub”.
Qeyd edilir ki, tərəflər dövlətlərarası sərhəddə keçirilən görüşlərlə yanaşı, komissiyaların növbəti iclasları üçün müxtəlif platformalardan istifadənin məqsədəuyğunluğu barədə razılığa gəliblər. “O cümlədən, ikinci görüşün Moskvada, üçüncü görüşün isə Brüsseldə keçirilməsi barədə razılıq əldə olunub”.
Görüşün konkret olaraq sərhəddinən hansı hissəsində keçirildiyi barədə məlumat verilməyib.
