Ermənilərin armdaily.am saytı sensasion araşdırma yayımlayıb. Saytın əməkdaşı yazdığı məqalədə iddia edir ki, türk iş adamları Zəngəzurda zavod və fabrik qurmaq üçün hərəkətə keçiblər. Alp.az xəbər verir ki, iddiaya görə artıq Türkiyədə yaşayan erməni əsilli menecer Levent Toroğlu xeyli müddətdir ki, İrəvanda danışıqlar aparır. Jurnalist araşdırmasında menecer Levent Toroğlunun da fikirlərinə yer ayırıb. Menecer Ermənistanda biznes qurmaq imkanlarının olduğunu bəyan edərək qeyd edib ki, bu biznesdə türk iş adamları yoxdur.
Lakin saytın əməkdaşı Gorus və Qafan şəhərlərində insanlar arasında sorğu keçirib və aydın olub ki, hər iki şəhərdə Türkiyənin iş adamlarının nümayənləri var . Erməni iş adamı Suren Mikaelyan isə etiraf edib ki, türkiyəli iş adamlarının nümayəndələri Qafan, Gorus və Mehri rayonlarında danışıqlar aparır:”Onlar əsasən fəaliyyətini dayandıran müəissələrlə maraqlanırlar. Onların həmçinin Zəngəzur Mis-Molibden Kombinatı kimi böyük müəssisənin alınması üçün danışıqlara başladığını da qeyd edə bilərəm.”
