İran və Rusiya arasında hərbi əməkdaşlıq güclənir. Alp.az xəbər verir ki, yaxın günlərdə Rusiya və İran arasında hərbi əməkdaşlıq müqaviləsi imzalanacaq. İran mediasının məlumatına görə İran və Rusiya tezliklə Hərbi-Texniki Əməkdaşlıq Komissiyasının (MTK) iclasını keçirəcək.
Yeni bağlanacaq hərbi əməkdaşlıq müqaviləsi barədə danışan İran Baş Qərargah rəisi Məhəmməd Baqiri bildirib ki, buna müqavilə İranın regionda yeni mərhələyə qədəm qoymasına yardımçı olacaq.
“Tezliklə Tehranda birgə hərbi-texniki komissiyanın iclası keçiriləcək. Düşünürəm ki, bu sahədə əməkdaşlığımız inkişaf edəcək ”,-deyə Məhəmməd Baqiri müsahibəsində bildirib.
“Ölkəmizin 40 ildən artıqdır ki, sanksiyalar altında yaşadığına görə, silahın böyük hisəsini özümüz istehsal edirik. Ancaq praktiki istehsal müstəvisinə çevirə bilmədiyimiz və ya iqtisadi mülahizələrlə həyata keçirilməsinə icazə verilməyən bəzi aspektlər var. Və sonra rusiyalı həmkarlarımıza üz tutub hərbi müqavilələr bağlayırıq ”deyərək BMT Təhlükəsizlik Şurasının İrandan məhdudiyyətləri götürməsindən sonra Rusiya ilə hərbi-texniki əməkdaşlığın perspektivləri ilə bağlı suala cavab olaraq Məhəmməd Baqiri bildirib.
