image-ads_2000x150
image-9backend

“İlanın ağına da lənət, qarasına da: Başa düşməliyik ki…” – Tofiq Zülfüqarov 

image-ads_728x90

“Ümumiyyətlə, bu görüşə danışıqlar prosesi demək düzgün deyil. Əgər biz danışıqlar məfhumunu götürsək, bu, ayrı bir şeydir. O, bir mətnin üzərində konkret məsələlərin müzakirəsidir. Burada isə bəyanatlar verildi, yəni siyasi iradə nümayiş olundu”.

Bu sözləri  açıqlamasında Azərbaycanın sabiq XİN rəhbəri Tofiq Zülfüqarov deyib.

O, ötən gün Brüsseldə keçirilən liderlərin üçtərəfli (Aİ, Azərbaycan, Ermənistan) görüşü barəsində fikirlər səsləndirib:

“Bu siyasi iradələr keçmiş görüşlərdə də verilib. Buna bənzər yadınızdadırsa, Zəngəzur dəhlizinə aid bəyanatlar da verilib. Bəyanatlar çoxdur. Həm Brüsseldə, həm də Moskvada. Amma məsələ ayrı səpkidən təhlil olunmalıdır. Mən onu nəzərdə tuturam ki, görüşdən qabaq bəlli oldu ki, Ermənistan real addımlara hazır deyil. O, köhnə işğalçı siyasətini Azərbaycana qarşı tətbiq etmək istəyir. Bəyanatlar verir ki, Qarabağda ermənilərin təhlükəsizliyini təmin edən “Artsax Müdafiə Ordusu” olmalıdır. İndi deyirlər ki, guya orada Ermənistandan olan könüllülərdir, lakin onlar Ermənistan ordusunün bölmələridir. Yəni qısacası, işğalçı siyasət davam edilir.

İkinci mövzu budur ki, ərazi bütövlüyü və suverenliyi təmin olunsun. Bu mövzuda da biz görürük ki, Ermənistanın mövqeyi dəyişmir.

Onlar Azərbaycanın ərazi bütövlüyünü tanıyırlar, amma Qarabağı çıxmaq şərtilə. Hansısa cəfəng fikirlər söyləyirlər ki, status məsələsi həll olunmalıdır. Bunların hamısını nəzərə alaraq başa düşməliyik ki, Brüsselin coğrafi baxımından Moskvadan fərqli olmasına baxmayaraq, ermənilərin mövqeyi dəyişmir”.

“Rusiyanın bu məsələdə artıq hər hansı bir addım atmamasının səbəbi nədir” sualına isə sabiq nazir belə cavab verib:
“Mən deməzdim ki, Rusiya burada hər hasnı bir addım atmır. Bildiyiniz kimi, Nikol Paşinyan Brüsseldən bir neçə gün sonra Moskvaya gedəcək. Ermənistanın buradakı əsas məqsədi Qərbyönümlü siyasət görüntüləri yaratmaq və bunun əvəzində hansısa maliyyə vəsaitləri əldə etməkdir. Burada qarşılıqlı maraq da var. Fransa Aİ-də sədrlik edir və bir neçə gündən sonra Fransada prezident seçkiləri olacaq. Onun siyasi fəallığı ətrafında görüntülər yaratmaq üçün bu tədbir keçirilir”.

“Burada Azərbaycanın mövqeyi nədən ibarətdir bəs? Bizdə bir məsələ var: “İlanın ağına da lənət, qarasına da”. Başa düşməliyik ki, Rusiya-Türkiyə tandemində Türkiyə Rusiya ilə yanaşı bu prosesdə iştirakı olarkən açıq şəkildə Rusiyanın mövqeyinə bizim xeyrimizə təsir edir. Amma Brüsseldə format fərqlidir. Orada Fransa Azərbayacana qarşı ən kəskin mövqedə olan ölkələrdən biridir. Hətta müharibədən sonra Fransa parlamenti az qala “Artsax”ın “müstəqilliyini” tanıyırdı. Ona görə də biz coğrafi məsələlərə çox da fikir verməməliyik və baxmalıyıq ki, bizim xeyrimiz harada təmin oluna bilər. Hesab edirəm ki, Avropa və Rusiya arasında olan rəqabəti biz öz xeyrimizə istifadə etməliyik”, – deyə siyasətçi fikirlərini yekunlaşdırıb.Yenisabah.az

image-ads_728x90

  • whatsapp
  • messenger
  • telegram
  • vkontakte
  • odnoklassniki