10 Noyabr Bəyamnaməsinin imzalanmasından bir il keçir. Lakin bu günə qədər nə Ermənistan, nə də sülhməramlı missiyanı həyata keçirən Rusiya bu bəyamnamənin tələblərinə əməl etmir. Bəyamnamənin əsas bəndlərindən biri kimi, erməni silahlı dəstələrinin Qarabağdan çıxarılması göstərilsə də, bu bənd yerinə yetirilməyib. Son günlər sosial şəbəkələrdə mümkün antiterror əməliyyatının başlaya biləcəyi xəbəri yayılıb.
Alp.az hərbi ekspert Tərlan Eyvazovla antiterror əməliyyatının keçrilməsinin mümkünlüyünü müzakirə edib.
Hərbi ekspert hesab edir ki, hal-hazırda Qarabağda erməni silahlı dəstələri var və bu dəstələr vaxtaşırı təxribat törədirlər. Azərbaycan tərəfi bununla bağlı bir neçə dəfə Ermənistana xəbərdarlıq edib.
“Rusiyanın Qarabağda sülh missiyasını yerinə yetirən hərbi kontingenti var. O cümlədən, Türkiyə zabitlərinin olduğu müşahidə missiyasını yerinə yetirən qurum da var. Türkiyə qüvvələri burada, təbii ki, rəsmi şəkildə iştirak edir. Ona görə də hər iki tərəfin sülhməramlılarına xəbərdarlıq etmədən hər-hansı bir anti-terror əməliyyatının keçirilməsi, təbii ki, münkünsüzdür”.
Ekspert hesab edir ki, Qarabağda antiterror əməliyyatı tezliklə baş tuta bilər.
“Qarabağ Azərbaycan ərazisidir. Buradakı terroçuların ərazidən çıxarılması üçün mütləq antiterror əməliyyatı keçirilməlidir. Ancaq nəzərə alaq ki, Rusiya hərbi kontigenti bu terroçuların ərazidən çıxarılmasına borcludur və bu onların missiyasıdır. Yox əgər Rusiya sülhməramlı missiyasının bunu yerinə yetirməyə gücü çatmırsa, təbii ki, onlara xəbərdalıq etməklə, əməliyyat keçirmək münkündür, amma tamamilə geniş miqyaslı anti-terror əməliyyat keçirməyi, mən münkünsüz sayıram”
