Ermənistanın müdafiə naziri vəzifəsini icra edən Vaqarşak Arutyunyan Moskvaya səfər edəcək. Bunu ölkənin baş naziri vəzifəsini icra edən Nikol Paşinyan deyib.
Onun sözlərinə görə, səfər yaxın günlərdə baş tutacaq. Rusiya paytaxtında keçiriləcək danışıqların mövzularından biri də Sünik (Zəngəzur -red.) və Qeqarkunikdə Ermənistan-Azərbaycan sərhədindəki vəziyyət olacaq: “Düşünürəm ki, bəzi suallara cavab almalıyıq. Kollektiv Təhlükəsizlik Müqaviləsi Təşkilatı çərçivəsində və müttəfiqimiz Rusiya ilə əməkdaşlığı dərinləşdirməyə davam etməliyik”.
