Ermənistan prezidenti Armen Sarkisyan Ambartsum Matevosyanın baş nazirin müavini vəzifəsinə təyin edilməsi haqqında fərman imzalayıb. Alp.az xəbər verir ki, bu barədə fərman baş nazir Nikol Paşinyanın təklifi ilə imzalanıb.
Matevosyan dünən Ermənistanın Armavir vilayətinin qubernatoru vəzifəsindən azad edilib.
Ermənistan baş nazirin yeni müavininin 29 yaşı var, o, ABŞ-da təhsil alıb, ABŞ-da və Ukraynada yaşayıb, işləyib. 2016-2018-ci illərdə Ermənistan Amerika Universitetində işləyib.
2018-ci ildə Armavir vilayətinin qubernatoru təyin edilib.
Xatırladaq ki, noyabrın 15-də baş nazirin müavini Suren Papikyan Ermənistanın müdafiə naziri təyin edilib.
