“İnanıram ki, erməni tərəfi və xüsusən də ictimaiyyətimiz bütün bunlardan sonra qorxulardan qurtulmalı və Qarabağ məsələsinə yüksək həssaslıq göstərməməlidir”.
Bunu hakim “Mənim addımım” blokundan olan deputat Viktor Yengibaryan Ermənistan parlamentinin 7 may tarixli iclasında, 44 günlük müharibədən sonra Qarabağ ətrafında baş verənlərə münasibət bildirərkən deyib.
Onun sözlərinə görə, siyasi qüvvələr insanların hissləri ilə oynamağı dayandırmalıdır:
“Bu, çox incə bir məsələdir və siyasi qüvvələr bunu manipulyasiya etdikdə məlum olur ki, hamımızın bu məsələyə belə həssas münasibəti daha rasional siyasət yürütməyimizə mane olur”.
