Ermənistan siyasi böhranın astanasındadır. Alp.az xəbər verir ki, bunu ermənilərin “Hraparak” nəşri bu günkü sayında yazıb. Nəşr iddia edir ki, Ermənistanın Xarici işlər naziri Ararat Mirzoyanla diplomatlar arasında ciddi qalmaqal düşüb.
Nəşr yazır:” Ermənistanın ABŞ-da, Böyük Britaniyada, Almaniyadakı səfirləri naziri qəbul etmir və istefa ərizələrini rəsmi olaraq təqdim ediblər. Lakin hökumət birdən-birə 3 peşəkar diplomatını itirmək istəmir. XİN-dəki mənbələrimiz bildirir ki, diplomatların bu addımı atmasına səbəb nazir Ararat Mirzoyanın onlarla təmas qurmamasıdır. Verilən məlumata görə xaricdə akkreditə olunmuş səfirləri ilə Mirzoyanın demək olar ki, əlaqəsi yoxdur. Səfirlərin birinin açıqlamasına görə onlarla yalnız Xarici İşlər Nazirliyinin sözçüsü Vahan Hunanyan əlaqə saxlayır. Qeyd edək ki, artıq 10-dan artıq səfirin istefa verməsi haqqında məlumat dolaşır.”
