“Nikol Paşinyan hakimiyyətdən getməyə qorxur. Onun hakimiyyətdən getməsi üçün bütün xalq ayağa qalxdı. Amma o getməyə yəni ölkədən çıxmağa qorxur, çünki Paşinyan ölkədən çıxan kimi öldürüləcək. ”.
Alp.az xəbər verir ki, bunu Ermənistan parlamentinin deputatı Gevorq Petrosyan mətbuat konfransı zamanı deyib.
“Ermənistanda onun ən yaxşı həlli məhz indi gedib “camaat, məni mühakimə edin” deməsidir. Bu, yüngülləşdirici hal olacaq”, – deyə Petrosyan bildirib.
O, Ermənistanın baş prokuroruna çağırış edib ki, Nikol Paşinyan bu anda hansısa qəfil fəaliyyətlə Ermənistan hökumətinin fəaliyyətinə müdaxilə edibsə, cümə axşamı günü Ermənistan hökumətinin iclasını keçiribsə, bunu Ermənistan Cinayət Məcəlləsinin 300-cü maddəsinin 2-ci hissəsi üzrə hakimiyyətin mənimsənilməsi xüsusiyyətləri ilə cinayət işi açmaq üçün əsas kimi qəbul etmək lazımdır.
