Dünyaca məşhur azərbaycanlı futbolçu Əli Dayi yeni çıxışında İran hökumətinin beynəlxalq turnirlərdə çempion olan idmançılara dəyər verməməsi və ölkədəki acınacaqlı iqtisadi vəziyyəti kəskin tənqid edib. Alp.az xəbər verir ki, məşhur futbolçu hökumətin dünya miqyaslı yarışlarda çempion olan idmançılara verdiyi mükafatın çox aşağı olduğunu və onların heç bir işinə yaramadığını deyib.
Əli Dayinin sözlərinə görə, buna görə İranın güclü idmançıları başqa ölkələrə üz tutmağa və onların bayrağı altında yarışmağa can atırlar. “Məhz buna görə İranda olduğum üçün xəcalət çəkirəm” -deyə futbolçu bildirib.
Ölkədəki ağır iqtisadi vəziyyəti və idmançıların durumunu kəskin tənqid edən Dayi buna görə məsul şəxslərin yerinə xəcalət çəkdiyini deyib.
Qeyd edək ki, İran hökuməti milli sərvətlərdən əldə edilən gəlirləri öz xalqına xərcləmək yerinə, onu Yaxın Şərqdə yaratdığı terror qruplaşmalara xərcləyir.
