Böyük Britaniyanın müdafiə naziri Ben Uolles ABŞ-a səfəri zamanı bu ölkənin müdafiə naziri Lloyd Ostinlə İranın Rusiyaya hücum silahları göndərməsini müzakirə edib.
Alp.az-ın “The Daily Telegraph”a istinadən verdiyi məlumata görə, Ukraynadakı müharibəni müzakirə edən nazirlər, Rusiyanın İran istehsalı olan silahlı PUA-lardan istifadə etməsinə xüsusi diqqət yetiriblər.
“Reuters”in yaydığı məlumatda isə bildirilib ki, ABŞ, Fransa və Böyük Britaniya İranın Rusiyaya silah təchiz etməsi məsələsini BMT-nin Təhlükəsizlik Şurasının iclasında qaldırmaq istəyir.
Xatırladaq ki, Qərb dövlətləri İranın Rusiyaya silahlı PUA-lar verdiyini iddia etsə də, rəsmi Tehran bunu təkzib edib.
