“NATO İsveç və Finlandiyanın alyansa qoşulmasına qarşı çıxan Türkiyə Prezidenti Rəcəb Tayyib Ərdoğanla münaqişə riskini gözə almalıdır”.
Alp.az xəbər verir ki, bunu “Der Spiegel”-in əməkdaşı Maksimilian Popp yazıb.
Onun sözlərinə görə, Türkiyə Prezidenti öz razılığı müqabilində nə isə almağa çalışdığı üçün İsveç və Finlandiyanın NATO-ya daxil olmasına qarşı çıxır.
“NATO alyansın şantaj yerinə çevrilməsinə imkan verməməlidir. Ərdoğanla münaqişə riskinə getmək daha yaxşıdır”, – Popp yazır.
O qeyd edib ki, Ərdoğan isə öz növbəsində ölkədəki iqtisadi böhran səbəbindən seçkilərdə məğlub olacağından qorxur, ona görə də onun Qərblə münasibətlərdə daha da təkəbbürlü olacağını gözləmək olar.
Bir müddət əvvəl Rəcəb Tayyib Ərdoğan NATO-nun baş katibi Yens Stoltenberqlə söhbəti zamanı bildirmişdi ki, rəsmi Ankaranın mövqeyini belə açıqlayıb:
“Finlandiya və İsveç fundamental məsələlərdə, xüsusən də terrorla mübarizədə Türkiyə ilə həmrəylik nümayiş etdirməyəcəklərsə, Türkiyə onların NATO-ya üzvlüyünü dəstəkləməyəcək”.Cebhe.info
