Çin Rusiya aviaşirkətlərinə təyyarə hissələri göndərməkdən imtina edib.
Alp.az xəbər verir ki, bunu hava gəmilərinə texniki xidmət üzrə konfrans zamanı Federal Hava Nəqliyyatı Agentliyinin uçuşa yararlılıq şöbəsinin rəhbəri Valeri Kudinov bildirib. O, Çinın Rusiya aviaşirkətlərinə təyyarə hissələri verməkdən imtina etdiyini bildirib.
“Biz aviaşirkətin özünə göstəriş vermişik ki, bu ehtiyat hissələrini haradan əldə etmək imkanının olduğunu müəyyən etsin. Bildiyimə görə, belə bir məlumat gəldi ki, Çinə müraciət olunub və çinlilər bundan imtina ediblər”, – deyə Kudinov rus daşıyıcılarının ehtiyat hissələrinin tədarükü ilə bağlı problemləri şərh edib.
Federal Hava Nəqliyyatı Agentliyinin nümayəndəsi qeyd edib ki, yerli şirkətlər Türkiyə və ya Hindistan kimi digər ölkələrdə təyyarə hissələrinin göndərilməsi imkanlarını axtaracaqlar. O, həmçinin əlavə edib ki, hər bir aviaşirkət tədarüklə bağlı özü danışıqlar aparacaq, agentlik isə ehtiyat hissələrinin leqallaşdırılmasına dəstək verəcək.
Martın 10-u ərəfəsində Federal Hava Nəqliyyatı Agentliyi yerli aviaşirkətlərin, o cümlədən Aeroflot, Pobeda, Utair kimi 180-ə yaxın təyyarəni Rusiya reyestrinə keçirib.
