Böyük Britaniyanın Midlends şəhərindən olan bir müsəlman Vulverhemptondan Səudiyyə Ərəbistanındakı Məkkəyə yola düşərək müsəlmanlar üçün ən vacib səyahətə başlayıb.
Alp.az xarici İslam saytlarına istinadla xəbər verir ki, Adam Məhəmməd müqəddəs şəhərə çatmaq üçün əli ilə sürdüyü araba ilə sərhədləri və dənizləri keçərək təkbaşına 4000 mil yol qət edəcək. O, arabasını təxminən 330 gün orada yeyə və yata biləcəyi şəkildə düzəldib.
Gündəlik canlı yayımlarını yoldan paylaşan Məhəmməd “TikTok” sosial şəbəkəsində 400 mindən çox izləyici və 2,8 milyon bəyənmə toplayıb. Həcc ziyarəti bir il çəkəcək və onu evdə həyat yoldaşı və uşaqları gözləyəcək…
Məhəmmədin səyahətini dəstəkləmək üçün yaradılan bir vəsait toplama səhifəsi artıq 20.000 funt sterlinq yığıb…
“Onunla bir neçə saat söhbət etdikdən sonra … bütün bunları şöhrət və ya pul xatirinə etmədiyi qənaətinə gəldim. Yalnız dünyada hamımızın bərabər olduğumuzu və hər kəsdən daha yaxşı olmadığını göstərmək üçün…” – deyə qeyri -adi zəvvar üçün pulyığma səhifəsinin yaradıcılarından biri yazır.
Daha sonra Məhəmməd haqda belə deyilir: “Onun üçün asan bir səfər olmayacaq. Ancaq Məhəmməd Allah rizası üçün hər şeyi qurban verməyə və özünü Uca Yaradana təhvil verməyə hazırdır.”moderator
