Ukrayna prezidenti Vladimir Zelenski bəyan edib ki, britaniyalılar Kiyevin və Kiyev regionunun bərpasına himayədarlıq etməyə hazırdırlar.
Alp.Az UNİAN-a istinadla xəbər verir ki, Ukraynanın dövlət başçısı bu barədə Telegram-kanalında yerləşdirdiyi videomüraciətində məlumat verib.
Böyük Britaniyanın baş naziri Boris Consonun Kiyevə səfərindən danışan Zelenski vurğulayıb ki, onun Ukraynaya səfəri “mümkün qədər aydın nümayiş etdirir: azadlıq üçün heç bir maneə yoxdur, liderlik üçün heç bir maneə yoxdur”.
“Boris Ukraynaya dəstək olub-olmamaqdan bir dəqiqə belə çəkinməyənlər arasında idi. Böyük Britaniyanın dövlətimizə lazımi yardımı, ilk növbədə müdafiəni göstərməsi, eləcə də sanksiyalar siyasətində liderliyi tarixdə əbədidir. Demokratiyanı qorumaq tarixində, Avropanı qorumaq tarixində Ukrayna həmişə buna görə minnətdar olacaq – həm Borisə, həm də Britaniyaya”, – Zelenski bildirib.
O qeyd edib ki, Conson həm də Ukraynaya yeni maliyyə və hərbi dəstək paketi ilə Kiyevə gəlib.
“Biz onunla Rusiyanı sülhə məcbur etmək üçün lazım olan yeni sanksiyaları da müzakirə etdik”, – prezident deyib.
Zelenski həmçinin deyib: “Boris Conson bu gün mənim suallarıma verdiyi cavablarda çox konkret idi. Bununla belə, həmişə olduğu kimi. Və biz artıq onunla Ukraynanın müharibədən sonrakı bərpasına Böyük Britaniyanın hansı yardımı göstərəcəyinə qərar vermişik. İngilislər Kiyevin və Kiyev vilayətinin bərpasına himayədarlıq etməyə hazırıq”.
Xatırladaq ki, Böyük Britaniyanın baş naziri Boris Conson bu gün Kiyevə gəlib. Böyük Britaniya Ukraynaya müdafiə dəstəyi, antimüharibə koalisiyasında və Rusiya təcavüzkarına qarşı sanksiyalarda liderlik edir.
Rüfət
Alp.Az
