Belçika F-16 döyüş təyyarələrinin əvəzinə F-35-lərlə təmin olunacaq.
Alp.az-ın xəbərinə görə, bu barədə açıqlamanı Belçikanın baş nazir əvəzi Aleksandr de Kroo verib.
O deyib ki, artıq belçikalı pilotlar ABŞ-da təlimlərə cəlb olunublar.
Baş nazirin sözlərinə görə, F-35 təyyarələri hələlik ABŞ-dadır. Belçika Hərbi Hava Qüvvələrinin pilotları da bu təyyarələrlə təlimlər keçmək üçün ABŞ-a yollanıblar.
“F-35 təyyarələri nə qədər tez Belçikaya təhvil veriləcəksə, bir o qədər də sürətli şəkildə F-16-lar Ukrayna ordusuna göndəriləcək”.
Xatırladaq ki, Belçikanın xarici işlər naziri Hadja Lahbib 2028-ci ilə qədər ölkəsinin Ukraynaya 30 ədəd F-16 döyüş təyyarələri verilməsinin planlaşdırıldığını söyləyib.
