ABŞ-ın “Lockheed Martin” şirkəti Yunanıstan hökuməti ilə F-35A çoxtəyinatlı döyüş təyyarələrinin satışı ilə bağlı müqaviləni imzalayıb.
Alp.az-ın xəbərinə görə, bu barədə məlumatı “Lockheed Martin” şirkəti açıqlayıb.
Razılaşmaya əsasən, “Lockheed Martin” şirkəti ilkin olaraq 20 ədəd F-35A Lightning II təyyarələrini Yunanıstan tərəfinə satacaq. Daha sonra isə bu say 40-a çatdırılacaq.
Müqavilənin ilk mərhələsinin dəyəri 3,76 milyard ABŞ dolları təşkil edir. Ümumilikdə isə bu satınalma üzrə müqavilənin maliyyə ödəməsi 8,6 milyard ABŞ dolları təşkil edəcək. Bu qiymətə təlim və texniki dəstək paketləri daxil olsa da, silah və sursatlar aid edilməyib.
Yunanıstan F-35 qırıcılarının alınmasında dünyanın 19-cu müştərisi olub.
